行下大嶼山 – part1

路線：東涌市中心>黃龍坑道>黃龍坑郊遊徑>鳯凰徑２段>二東山>爛頭營>大東山>鳯凰徑２段>伯公坳>鳳凰徑３段(鳳凰山山頂)>昂坪奇趣徑>東山法門>地塘仔郊遊徑>石門甲>東涌道>東涌炮台>東涌市中心
全長：20.88 km
時間：7小時43分

例牌訓晏咗攪到遲出發，又例牌出發前影下個噴水池

嘩，今日做乜咁多人排隊座吊車

出發

沿逹東路行，又係鬼咁多人喎

行到街尾就係順東路，過對面馬路轉左

繼續向前行

警處旁邊跟住轉右

前面見到一班人應該都係去行山喎，我估佢地都係行東澳古道多

行到呢到上行人天橋

行到中間轉左

如果天氣好，喺天橋上面可以望到鳯凰山．不過今日就。。。

落天橋之後過馬路轉左再沿行人路直去

行到呢樹就係黃龍坑道，轉右

沿車路行

行冇耐會經過赤立角村

呢到有間天后廟

仲有鋪頭賣野食，不過係凍肉嚟 XD

繼續沿黃龍坑道直去

行行下有指示牌

見到閘繼續直去。個閘好唔同咗，上次唔係咁嘅

差唔多到入口了

無聊影下野，今日拎咗神棍，腳架，山狗，肥仔方包兩塊，陽雨具仲有兩枝鬼咁重嘅水

開始上山了，由呢到開始上到鳯凰徑有２公里多啲

頭段最辛苦，無間斷５００米樓梯係咁上，直到過咗呢枝標距柱之後就開始有啲平路行下了

上呀，上

話咁快就１公里，行到呢到可以抖抖順便影下相

左邊有櫈仔座，直行就繼續上山

高度唔夠，望唔晒個機場

hea 完繼續上，鏡頭一轉已經行咗１．５公里，咗差唔多４０分鐘

冬天過後又見到青 bibi 嘅石頭了

呢段路唔熱又唔曬，行得好舒服，不過我通常都係趕頭趕命行冇停低慢慢影下相

２公里了，行多一陣就到

到鳯凰徑了，點解會影到隻手指咖，拎機手勢唔好，真係低能

上到嚟勁多人

霧中嘅爛頭營，就算係第一次上到嚟都唔會唔識行。望住啲屋仔就好容易分到方向，又有大把人可以問路

影梗乜鬼？我自己都唔知，淨係知呢到係二東山望大東方向

本來諗住喺二東山等霧散影下相，不過打咗一陣霧水都仲係冇野睇，決定走人

由二東屋仔沿路走回頭，再接鳯凰徑向伯公方向行，會經過呢間１８號屋。今日見到入面有人，開晒門

沿路都有指示牌，繼續跟住行就得

繼續跟大路直去就可以落去伯公坳，要上大東就轉右

拎轉頭望下爛頭，開始霧散了

上大東嘅路唔止一條，我遇過幾次有人上完去之後搵唔到原來嘅路落山(問路)。雖然附近一帶冇懸崖行錯路都唔會跌死，不過如果第一次上最好都係等好天時跟住人尾行。以大東山呢啲咁熱門嘅地點遇到其他山友應該唔難

大東山頂可以望晒成個機場島

係時候開餐 =P

吔完包，忽然發現原先企到滿人嘅山頂清晒場，即時 set 機影張 360 先

hea 完落山了，我每次都話唔好行呢條小路，但最後每次都因為貪方便去行(始終建議原路落山最好)

今日大霧潮濕，呢段路比較跣

行完小路接返去鳯凰徑，又起霧了

諗住睇睇時間，驚覺手上嘅錶唔見了 (ToT)

唔想冇左隻錶，唯有原路行返上大東來回地毯式搜索。好彩最後喺一堆草上面搵到，條錶帶斷咗，跌咗都唔知

再返到來鳯凰徑，霧散了(可能因係為搵返隻錶 XD)

繼續落山去伯公坳

今日冇霧嘅時候能見度都幾高

見到長洲，南丫島三支煙囪，遠到港島都見到。不過用部爛鬼手機影出嚟同實際就差咗好遠

到伯公坳涼亭

呢到有一條路可以去南山(梅窩)，另一條就落去東涌道

過咗馬路就有巴士站可以座車走人，亦可以繼續行程上鳯凰

續 part-2