今次行下香港三尖之中最矮嘅釣魚翁，為咗唔想太過短癮於是搭多條行過N次嘅魔鬼山路線。喺油塘出發行過去對面岸。
日期：2016年2月29日
路線：油塘(衛奕信徑三段)>魔鬼山>五桂山>馬油塘>小夏威夷徑>魷魚灣>將軍澳徑>鴨仔山>影業路>寶寧路>半見村>孟公屋路>坑尾頂村>釣魚翁郊遊徑>廟仔墩>釣魚翁>大坳門路>布袋澳
全長：19.88 km
時間：5小時50分
路線概略(按圖放大)
Total climbing: 1266 m
Total time: 05:50:33
前段油塘係搭單路線只影風景唔記錄路線，如果有興趣參考前半段嘅詳細路線可以睇下呢個post。如果只係想知點由坑口行入郊遊徑可以skip晒我啲爛相直接跳去睇由將軍澳醫院開始嘅路線記錄
起點係鯉魚門邨對開公園仔
今日上山條路好多人
原來咁啱有團體攪行山活動
轉個頭又上到嚟山頂，慣例掃張全景先。今日目標係要行過對面岸嘅釣魚翁
今朝天氣好好，啲雲好靚
好天時真係睇乜都特別靚，難得可以掃到一張兩邊都咁清嘅全景(按圖放大)
冇行一排，唔知幾時開始條路變成咁
玩下野整張波波藍球板先
落井欄樹之前再掃一張
今次行呢段路發現好多變化，唔知幾時開以呢段路掘開晒嚟整
對上一次行呢個涼亭都未起好
差唔多到落去夏威夷個路口
轉去魷魚灣時見到一位跑山友，轉個頭就已經影都冇埋(跟住係上山斜路)。勁~
唔多like行呢條樓梯
嚟到將軍澳徑，係時候要開餐了
呢到行左，右同中間都一樣。由中間上山可以去到一個叫少女峰，可惜上面係冇少女嘅
山上面風景一般，可以話係冇乜嘢睇
我冇吹水，呢到真係冇嘢睇嘅
原來政虎諗住整條文物行山徑喎，呢個我支持喎(按圖放大)
離開山路落到嚟市區，呢個係中途補給站
繼續沿寶寧路行，去到將軍澳醫院正式開始釣魚之旅
沿醫院旁邊行人路行到尾呢個大迴旋處，喺左邊過去對面馬路
過馬路之後見到去半見村個牌就沿路直行
之後再沿馬路向前行，留意左手邊有入口
由呢到行入去
沿路行到尾會見到呢個厠所，繼續再行前少少就會出到另一個路口
嚟到呢個路口就轉右沿馬路行
路邊有指示，向坑尾頂方向行
沿車路行上去
去到呢個路口轉左繼續上
再行多一陣見到呢個路口靠左繼續上
見到另一個厠
靠右沿厠邊繼續行上去
再行多一陣嚟到呢個掘頭路，留意左邊草叢就係山路入口
由呢到行入去
頭段嘅山路幾好行
行多一陣原來嘅石路消失咗，前面又見到封路。喺呢個時候就要轉左行上去
其實只係呢到一少段山路唔太明顯，上完呢段斜路之後嘅路就好清可以跟住行
跟住條路再行大約10分鐘就會嚟到前面打橫呢條釣魚翁郊遊徑
入到嚟郊遊徑路就更加好行了
沿路行去到見到呢個牌就轉左，之後沿路一直向前行就得
到釣魚翁之前會先經過一座比較矮嘅廟仔墩，呢到係影釣魚翁嘅招牌位置。今日好彩遇啱啲雲咁靚
其實唔同角度睇，釣魚翁又唔係咁尖
上到尖頂，喺測量柱整番張360先
尖頂行前少少就有另一個靚景
當我小心翼翼(慌死會轆落山)行出去大石前面影相時，發現一對拖友訓咗喺下面一塊大石到享受陽光?
咁靚嘅風景，要掃多一張全景先至落山
由尖頂南面落山係比較困難，如果怕危險嘅話可以考慮掉轉由南面上山，再北面落山。不過如果由五塊田嗰邊行過嚟要走回頭由北面落又唔多順路。所以最後我都係揀咗順路由南面落山返郊遊徑
沿郊遊徑行，去到呢樹轉左可以落大坳門路再行去巴士站，直行就可以去布袋澳同大廟。由呢到行出去大約要45分鐘
下面就係大廟灣，不過今日唔打算唔落去了
郊遊徑盡頭就係大坳門路，轉左沿路行就可以落去布袋澳
呢個路口轉落去
落到小巴站已經有勁多人排梗隊，結果排咗45分鐘先至上到車?
發表迴響