最近朋友話要鍛練下身體做多啲運動,成日走嚟叫我行山。咁我冇理由唔陪下佢,今日就同佢行下飛鵝山。出發地點當然係我最 like 嘅油塘啦~ 今次呢個都唔係介紹行山路線嘅,想參考點行可睇下呢個 post。大致上係跟衛徑行,去到西貢古道就轉去白花林同飛鵝山道(328)行石級上。算係登頂四條路之中最易最安全嘅一條。路程以橫向距離計唔算長只有23km,只要唔好喺太熱天氣行應該唔難應付(加埋勁 hea 行兩行又抖幾抖)。
路線:油塘(衛奕信徑三段)>魔鬼山>五桂山>馬油塘>井欄樹(衛奕信徑四段)>百花林(孫中山母親墓地)>飛鵝山>象山>東山>飛鵝山路(衛奕信徑四段)>沙田坳(麥徑五段) > 獅子山 > 獅子頭 > 筆架山 > 九龍水塘
全長:23.52 km
時間:8小時35分
Total climbing: 1886 m
Total time: 08:35:18
上魔鬼山途中望下遠處嘅目標,其實行過去又唔係咁遠
鏡頭一轉嚟到偉徑公仔路,唔知幾時比人清走晒了?
住事只能回味了,呢張係2014年經過時影嘅相
雖然啲公仔唔係好靚,但都算係幾有特色吖,冇阻路又唔係有危險,為乜要拆晒佢呢。唔知會唔會係有啲小行山嘅投訴L見唔慣投訴所以政虎要做嘢呢?
大龜都冇咗了
去井欄樹途中大上托附近見到飛鵝,仲要係幾特別嘅飛鵝
繼續向飛鵝進發,坑渠唔再係魚池了。
2013年經過時有魚的。。。
又唔知幾時上山嘅樓梯口又出現番一個328 石牌,但相比之前唔見咗嗰塊就細咗好多了。
轉個頭又上到嚟發射站,天氣唔係太好影唔到靚影了
行多少少落去發射站另一邊影張相吹下風
鏡頭一轉已經過埋東山象山,行到嚟沙田坳嘅麥徑入口
唔覺唔覺又離開飛鵝好遠了
一場嚟到,冇理由唔上埋個獅山啦
又上到嚟了
喺獅尾可以望到好似好遠嘅魔鬼山
又影下全景先
好喇,見到下一個目標筆架山波波。查實只係沿麥徑行會路過,唔係尊心去嘅
行下行下又到咗
扮晒嘢嘅隊友本來話攰又呢又路,後來又話約咗人開飯忽然慢跑加速。証明條友根仲有大把貨,下次要夾佢行埋去城門先得?
出到嚟巴士站,大家都仍然係向住同一個地方(SSP) 進發。佢去開飯我去買 mon 貼~
話說今日第一次拎枝 snoppa 出街試就出事,個夾唔實成部電話飛咗落地爆 mon(貼) 收場。咁我呢啲 cheap人梗係會去買塊平 mon 貼嚟換啦~
發表迴響