清舊貨系列，發生時間係2018年4月
今日行吓港島，想試吓去啲未行過嘅地方，同時又貪心地想串連之前行過嘅山徑。不過串連部分並唔係正常行山徑，有一定風險，要小心衡量自己係咪合適。其實沿港島徑第8段行到落石澳道，係可以沿路旁嘅行人路一直行到去鶴咀道嘅。路程係會遠咗，但相對地會安全好多。
路線：小西灣運動場>龍躍徑>黑角徑(黑頭角來回)>哥連臣角道(歌連臣角探射燈塔來回)>砵甸乍山郊遊徑>馬塘坳>港島徑第8段(龍脊)>石澳道>鶴咀道>鶴咀(雙四門，雷音洞，海洋研究中心，燈塔)>鶴咀道>石澳泳灘
全長：22.09 km
時間：6小時51分
日期：2018-04-02
路線概覽(按圖放大)
座地鐵去柴灣站，跟住再轉小巴入小西灣起步。近車尾出閘會方便啲。
C出口
小巴站就喺出口後面。
座47M小巴，喺運動場站落車。
轉個頭就嚟到。
運動場入面有飲水機，出發前可以狂入水(包括入落自己個肚) ?
由龍躍徑上山，入口有地圖概覽。
好快就有分岔路，行左或者右邊都冇所謂嘅。因為好快又會變回同一條路。
再行多陣見到左邊呢個公園仔就轉入去。
公園仔嘅另一邊有一條小徑。
地圖標示呢條叫黑角徑，而小徑嘅盡頭就係黑頭角。
呢條小徑又幾企理喎。
小徑盡頭有兩條路，左邊落海右邊上山。
一心諗住要睇吓燈塔，二話不說就落去了。
呢段路都好斜，要好小心慢慢落。
落到嚟海邊，只係見到釣魚嘅人，燈塔就唔見。後來同其中一個吹水，佢話貪呢到就腳方便所以嚟釣魚。問佢係咪有個燈塔，佢反問我落嚟嗰時冇見到。。。 原來小徑尾鐵絲網後面就係燈塔?(頽)
走人上黑角徑，遇到兩個外庸姐姐爬梗上去。其中一個話怕高上唔返去，讓我上先。不過點解咁奇佢落嚟嘅時候又唔怕呢？我覺得佢哋似係貪過癮影相多啲。
轉個頭又上到嚟。
如果唔想原路返轉頭，燈塔旁邊有一條小路可以行。
入口好明顯吖。
我估呢啲路平時都有唔少晨運客行。
印像之中好似有分岔路，不過時間太耐已經唔係好記得?
最後落返嚟龍躍徑。
跟住轉左繼續上山。
由樓梯上去，可以行少一少段斜路。
跟住轉左，沿哥連臣角道行落去。
路邊見到懲教所嘅警告牌。
繼續沿路落。
行行吓見到欄杆外左邊有好明顯嘅泥路，就係喺呢到落去。
嘩，有人玩梗攀石喎。點解唔帶頭盔嘅？
到達目標景點。
嘩，呢到望落去都幾靚(驚) 喎。
其實我估唔到自己出post 嘅速度慢到一個點，連呢個咁特別嘅燈塔都已經塌咗。呢粒死人山竹牛肉真係多得佢唔少?
估唔到呢個環迴大電視已經成為歷史圖片，真係好可惜。
睇完電視返上去哥連臣角道。
照地圖指示哥連臣角道盡頭有小徑上山連接落大浪灣。繼續向下行。
跟住就比呢個牌嚇一嚇?
行到盡頭四維望，唔覺有山徑入口。
水渠邊上去有少少似，不過隔離就係懲教所圍欄，又比之前個牌嚇一嚇，唔敢行上去試。
鬼叫自己驚死，唯有死死地氣原路行返上去。
終於行到上嚟。行冤枉路感覺特別辛苦。
呢到有個由晨運客打理嘅小形茶水站，有免費茶水提供。
跟住沿樓梯上去砵甸乍山郊遊徑繼續行程。
跟住星星走。
個人認為呢啲樓梯好易行。
行到呢個路口，轉左出觀景台望吓先。
查實冇乜特別。
返回主路繼續行程。
呢到本來有個供奉觀音嘅神壇，唔知係幾時比人清走晒。
“神”去樓空
繼續沿砵甸乍郊遊徑行，落去引水道
行多陣嚟到分岔路，轉左可以落去大浪灣，然後又可以由港島徑第8段再上返嚟。不過今日冇諗住試呢邊，都係直去咗先。
跟住嚟到呢個叫馬塘坳嘅地方。
繼續直去。
嚟到前面呢個咁多人嘅地方，繼續跟住港島徑路線，喺前面個路口轉上去龍脊。
發表迴響