延續Part1行程。
呢個路口做乜咁多人呢？因為轉左行上去就係去龍脊嘅山徑。
呢段路係港島徑第8段一部分
由於實在太多人，想話影吓個牌都唔係咁容易。
轉上去旺過旺角嘅龍脊。
呢個石澳景又真係幾靚嘅。
打咭牌一塊。
沿龍脊行到尾，見到港島徑碌柱唔好跟佢轉右。今次要試吓直去落石澳道。
注意：之後一段落石澳道嘅路崎嶇同斜，絕對唔適合”龍脊水平”嘅行山人仕去試。
由另一個角度望吓石澳。
沿山徑行到尾有枝爛咗嘅標距柱。
由標距位置再行前少少就會見到有小徑可以繼續向前行。
跟住咯路越行越爛，
離遠望到下一個目標，落到去石澳道過條馬路就係鶴
越嚟越近，不過呢到呢到好似冇咗條路咁。
搵咗一陣終於搵到條路，最後嚟到呢個出口位置。
最尾呢段都好斜，要好小心慢慢落。留意遠處嘅鶴咀道，高度差距仍然好大，即係會落得好急。
好囉，終於見到啲斜坡水渠。應該有維修道可以落山。
正啊～靚路。
繼續行落去。
行護土墻係有風險嘅，因為整得護土墻嘅地方就有一定斜度(唔係都唔駛驚佢會塌啦)，而預期嘅”出口”未必會係附近。今次落點需然對正鶴咀道，但係就冇樓梯落唔到去。
要出絕招了，爬水渠～ 呢啲護土墻都會有排水級渠，未必每一條都會有水。呢條冇水亦冇青苔，係好理想嘅直梯。不過行落去都要好小心，除咗肯定企穩唔跣先至落第二步之外，兩隻手要同時迫實渠邊，咁會穩陣好多。不過講到尾咁行都係有一定危險性，我會建議盡量搵安全嘅出口。其實亦冇需要一定由龍脊落嚟嘅，必要時原路折返都係一個好選擇。
好，落到嚟石澳道了。行過對面就係鶴咀道。
由下面望番上去又好似唔係咁高，大約兩層樓嘅高度多啲。
鶴咀道係冇行人路嘅，不過冇乜車沿路邊行就冇問題。
迴旋處繼勁多人等梗車。
多咗人嚟鶴咀，材士多都多咗好多嘢食。
嚟到電台，係旁邊嘅小徑直去。
好多人出出入入。
嘩，垃圾灣啲垃圾清走晒喎。
先由樓梯上去睇吓嘢。
呢個招牌位真係好靚。
睇地圖先至知呢個瞭望台叫做雙四門，第一次嚟嘅時候係有鐵絲網圍封嘅。家陣個網拆咗，我估應該唔會係管理為咗開放比人參觀而拆。但係唔知乜嘢人會咁做呢？
企係到呢位大叔，不斷咁聳恿同行嘅年青爸爸帶同佢個囝囝爬上屋頂。話”唔危險”，”上去風景靚好多”， “我後生嗰時成日上去”云云。初時年青人話怕危險，最後都免為其難爬咗上去，當年青人問佢上唔上時佢又拒絕。我無諗過喺自己呢個冇乜人睇嘅blog到攪公審，不過有緣睇到我呢個post嘅朋友不妨留意身邊有冇好似大叔呢類人。唔係要同佢講道理，因為好難可以改變到佢哋嘅諗法。最好係由得佢9嗡唔理，佢覺得冇癮冇威就會自動收皮。
呢到閘以前冇閂，可能大多人嚟家陣閂咗。用嚟”阻嚇”啲未嚟過又唔敢亂行嘅遊人。
又落返嚟大路，向海邊出發。
嚟到鶴咀，點都會落嚟雷音洞影張相先至走。
跟住影一影條鯨魚骨。
最後影埋個燈塔。
由另一個角度望番去雙四門，跌咗落去可能屍都收唔番。
鏡頭一轉又返到出嚟鶴咀道迴旋處，咁啱仲有架小巴。
今日諗住試理行落石澳，又再沿馬路行出石澳道。
留意住右手邊，行到咁上下就會見到入口。
入口好闊好明顯。
之後嘅一段路都仍然係好明顯易跟。
繼續落條路開始收窄，仍然係清晰易跟。
行到石路盡頭，轉入去旁邊草叢小徑。
嚟到前面一條石澗，轉左沿石澗落山。
春天又未到雨季，石澗冇乜水。績喺到呢啲變成臭水，唔小心踩落去就gg了。
繼續沿石澗行，尾段嚟到村屋範圍。開始有少少擔心唔知有冇出路。
再行前少少，見到石墻邊釘住個指示牌叫沿石溪行，即時安心晒。
嘩~超級臭水。如果夏天一定唔好嚟呢啲地方，肯定比蚊咬到變豬頭，最驚中埋登革熱就死得了。
有出路了，喺呢到上去。
哦，原來呢到係石澳村。
沿村路出去海灘。
唔係行山，都冇留意原來尾位呢到有間廟。
Yeah~ 終於嚟到終點石澳泳灘，咁高興要跳番part舞先??
路線記錄
Total climbing: 1039 m
Total time: 06:49:43
發表迴響