路線：小西灣>龍躍徑>砵甸乍山>砵甸乍山郊遊徑>馬塘坳>港島徑第8段>龍脊>港島徑第7段>大潭篤水霸>大潭水塘道>赤柱東引水道(老虎山引水道)>赤柱峽道>赤柱村道>赤柱灘道>赤柱大街>美利樓
全長：24.82 km
時間：6小時45分
唔洗行馬路，真正用對腳行入赤柱
Total climbing: 1418 m
Total time: 06:45:26
今日想試下行港島徑，發現如果要由正式起點大浪灣出發座車好鬼麻煩，於是揀咗由小西灣出發．好處係交通夠晒放便，由柴灣地鐵站下面個小巴站座47M一陣車就到．班次仲鬼咁密唔洗等．
話咁快就座到去到運動場呢個站落車
運勭場入口
由入口直行好快就可以見到呢條樓梯，呢到就係龍躍徑入口，今日行程正式開始
行左冇耐就有分岔路，原來左右兩條路都一樣
沿段路上去到呢條樓梯轉上去，有個細細嘅平台可以睇下風景。之後向前行接番哥連臣角道
沿哥連臣角道上行前少少去到呢條樓梯口就轉上去
再行冇耐上到來呢到，直行去馬塘坳，轉左出觀景台睇野，轉右都係去落馬塘坳（經砵甸乍山）
有觀景台梗係出去睇睇，唔知係啲草生得太高定係我發雞盲，我唔多覺有呢個view
雖然見唔到小西灣，但係呢個位見到石澳
睇完野行番出來諗左一陣，都係決定經山頂去馬塘坳．唔知係咪因為呢條係小路所以冇指示牌
上山途中經過一間廢屋，屋頂係個好正嘅影相位
呢到幾好風景，下面係小西灣，遠處見到將軍澳同東龍洲
由廢屋再向上行冇遠就到山頂發射站
砵甸乍山測量柱－312M．我真係見識少，第一次見呢個形狀嘅測量柱
地圖上睇到嘅路線實際上未必行到，主要因為自己十分怕死，小路我係唔會亂試．由山頂向前行落山去馬塘坳呢段小路似乎唔易行．加上今朝落完場雨路又濕，安全第一，都係走回頭落山行大路．(等冬天有機會再試)
返到先前觀景台個路口，向大浪灣方向行，去到馬塘坳就可以連接港島徑
呢到有間屋仔，入面供奉左觀音像
開始見到引水道，呢到落去再向前行
沿引水道向馬塘坳方向行，見到有枝路落去大浪灣
到咗馬塘坳，可以喺呢到轉左落樓梯去大浪灣，直行就去係大潭峽。由呢到開始就進入咗行港島徑，附近標距柱係 H096
遇上有人帶團行山，估計佢地係以大浪灣為終點
下一個 checkpoint 係大潭
沿條靚路行到呢到，直去可以出石澳道座巴士走人，轉左上斜就去龍脊
個指示牌話要行粒幾鐘喎
經過一段又長又濕嘅路(今朝晨早落大雨)，終於見到有得比太陽曬。由呢條樓梯行上去就係龍脊
龍脊靚view
行咗咁耐係時候開餐，今日又係吔豆沙餅
龍脊呢到係越野單車徑，地下係有單車公仔
經過一段石級上到山頂
打爛埕頂山－284M 就已經係龍脊最高點
睇個牌英文名叫石澳山，唔知點解個中文名又會叫打爛埕頂咁奇怪呢下
由打爛埕頂向東面望係成段路最靚嘅風景位，左邊見到大浪灣，右邊見到石澳
繼續行程去土地灣，呢段港島徑係奇奇怪怪咁向南行然後又一個大U-turn向番北行
由龍脊向南望全景，左邊係石澳，右邊係豪宅區，再後面就係赤柱了
離開龍脊前再望多次石澳同旁邊嘅高爾夫球場
呢到轉右落山
係呢到要轉左去石澳道，明明係要去大潭點解轉左而唔係轉右？因為轉左落石澳道先可以連接港島徑第7段
呢到轉右落樓梯
繼續向前行
前面就係石澳道了，如果行到呢到已經想死，可以座巴士走人。而我就只係有少少想死，所以喺到休息一陣就繼續行港島徑第7段
繼續 part2
發表迴響