路線：鰂魚涌>大風坳>柏架山>大風坳>畢拿山>渣甸山>陽明山莊>黃泥涌水塘公園>紫羅蘭山徑>淺水灣坳>孖崗山引水道>赤柱峽道
全長：17.33 km
時間：4小時13分
今次標題唔再話自己行入赤柱，因為事實終點只係一條車路而唔係赤柱市集。
Total climbing: 1464 m
Total time: 04:12:45
出發前影張相
今日好屎，行左成粒鐘先上到嚟波波山
大波波呢到可望到細波波，近左手邊個小島係東龍洲，而右手邊個海灣就係石澳
睇完大波睇細波
上到嚟從例都掃番張全景
hea完就跑番落嚟繼續行程
呢到開始黐埋條衛奕信徑一齊行
又到陽明山莊了
轉右沿馬路行番落去黃泥涌水塘，再沿水覇邊行
行到尾係呢條樓梯落再轉左
係呢到直行
頭段嘅紫羅蘭山徑係引水道，冇上冇落好易行。絕對係回氣嘅好機會，中後段離開引水道嘅山路比較窄冇咁好行，不過都仲係平路
開餐時間，今日有豆沙餅吔 =)
行行下見到淺水灣海灘
望落好似好險要但查實唔係嘅
再行前少少又見到穿窿豪宅
行左45分鐘終於行完，接番衛奕信徑，轉左落樓梯去淺灣坳
落呢d咁靚嘅樓梯一搬都可以行得好快，不過上就。。。。
下面就係淺水灣坳
由呢到上經孖崗山可以去到赤柱峽，不過今日想偷懶行條平路
唔明點解指示牌淨係有去大潭篤水塘同上去孖崗山嘅路，而呢到就淨係得個牌寫住赤柱西引水道。查實沿呢到行一樣去到赤柱峽，而且係全程平路。
長長嘅引水道，比之前紫羅蘭山徑更長
條路實在係太長太悶，行極都未行完
終於係遠處見到赤柱，連美利樓都見到
嘩，終於行完條引水道了
係呢到又連接番衛徑
今日又再一次受到打擊，相入面呢住瘦瘦嘅女仕係渣甸山前石礦場附近從後趕上，之後當然又係比佢放星．估唔到我係呢個路口又再見到佢由上面行樓梯落嚟．即係佢已經行完孖崗山．．．我行(跑)晒平路bypass左三個山頭嚟到呢到只係快佢半分鐘到！！到底係我太弱定係我每次都予到高手?
落埋條樓梯就到左今日嘅終點，即係衛奕信徑嘅起點。箭嘴指住嘅就係小路入口，睇地圖好似可以經呢到行入赤柱
落到嚟唔多對路，地圖上嘅小路真係滿晒雜草同唔多明顯
咁嘅環境，以我咁怕死梗係唔會自己一條友入去行，加埋係草叢入面發現呢個牌，即時立定決心座巴士走人
發表迴響