路線：鰂魚涌>大風坳>柏架山雷達站>大風坳>畢拿山>渣甸山>陽明山莊>黃泥涌水塘公園>布力徑>港島徑第４段>金夫人馳馬徑>香港仔樹木研習徑>香港仔上水塘>港島徑第３段>港島徑第２段>薄扶林水塘道>山頂廣場
全長：26.33 km
時間：6小時34分
Total climbing: 2035 m
Total time: 06:33:53
今日行山冇定目標，只係諗住上波波山然後試一試行未去過嘅港島徑，但係行行下就忽然想上山頂．如果同朋友一齊去，應該會比人殺死．．．
起點照舊都係鰂魚涌街市隔離呢條自然教育徑，唔知係咪個個去晒旅行，冇乜人
行左九個字上到來波波山，結論係爆上來同慢行時間唔差好多．
hea左一陣又影完相就跑返落去大風坳
穿過涼亭向港島徑進發
歡迎我嘅係呢條長長嘅樓梯
畢拿山，風景都ok
離開畢拿山冇幾遠到呢到直行就去陽日山莊
又一個山，呢個係渣甸山
一場嚟到又見幾好天，點都影番一張相先至走
離開渣甸山之後路過石礦場，每次經過都覺得呢段路一落一上好鬼辛苦．正當我想拎個電話出來影下相時就聽到後面傳來急速嘅腳步聲．回頭一望發現係一個靚女… 於是連相都唔影就拿林試下跟住佢，可惜體力唔夠最後都比佢放星．唯有拎個飽出嚟吔，估唔到係呢個時候靚女已經到陽明山莊之後回程．．．
陽明山莊，係呢到沿馬路行落去就可以到黃泥涌水塘
又到左水塘，次次都嚟一嚟呢到係因為要買水飲．今日咁鬼熱要買夠兩枝
打完水正式開始試下行我未去過嘅港島徑路段，沿住水塘邊直去
原來水塘尾有咁多龜係到曬太陽，又幾得意喎
行左冇耐就發現領左野要返轉頭，原來呢條路係去紫羅蘭山，証明我真係唔識路．下次行去赤柱可以醒少少由呢條路上
唔識路時就梗係出動google map，原來係要行去巴士站呢邊
係巴士站向前行到路口轉右就見到布力徑
沿布力徑向上行可以欣賞兩旁嘅豪宅，直行到尾就會見到入口
依？原來已經到左香港仔郊野公園範圍
睇地圖下一個check point應該係香港仔水塘，就係呢個路口轉左．似乎港島區行山徑d指示牌做得好足夠．唔錯唔錯 ．．．
有個觀景台喎，點都望下先
整得個觀景台點都唔會淨係望草，個view真係唔喎．可以見到海洋公園隻海馬
照指示，係呢到轉左邊落山
跑完一段斜路之後又見到指示牌，向前進發
嘩，咁落法即係之後有排上啦
係呢個路口轉右去香港仔水塘，查實指示牌好足夠，好難會行錯
入左引水道路比較窄，間中有分叉路．總之照指示牌行就掂
繼續直行
再行前少少
嚟到呢個路口，指示牌寫住轉右去灣仔峽，直行去上水塘，轉左就去下水塘．如果要跟港島徑路線就係呢到轉右去灣仔峽．不過我睇完地圖就揀左向前行去上水塘，因為條路短好多又可以連接番港島徑．簡單講，即係 short cut 啦
向前行去香港仔上水塘
依，呢到又好似幾靚咁喎
到步了，呢個就係香港仔上水塘
發表迴響