續 part-1
繼續行程，出發落山去中環。先行去凌霄閣左邊
行到去凌霄閣入口旁邊就會見到起步點
呢條叫芬梨徑，沿住落去
嚟過山頂都應該知呢個影postcard相嘅靚位，如果鏡頭夠wide就可以影到維港加埋架纜車
影完相繼續沿路落，見到第一個路口就轉左
再行多兩步就嚟個U-turn
轉灣之後就再嚟多個大U-turn 轉落去白加道。不過沿白加道走佬之前，可以直行穿過纜車軌去白加道站影下相先
白加道站呢到好有懷舊味道，有唔少人走嚟影相
整番張360全景玩下
影完相行番上嚟，沿住白加道繼續行落山
白加道冇乜車，就咁喺路邊行都唔怕車死。更何況經過呢到啲靚車比自己條賤命寶貴得多，一定唔會撞埋嚟整花自己架車嘅
有錢人住嘅地方風景真係好到不得了
繼續沿白加道行，直到見到呢座咁特別嘅建築
依？原來呢到係又大膽又好打得嗰條友住嘅地方，都應該都唔會有啲乜嘢好睇嘢出到嚟。走人算
原來喺 pokemon 嘅世界，呢樹係一個有８層高嘅道場
黐鬼線，８層都係啓暴龍，隻隻3000CP。我呢啲唔打得又細膽嘅都係走人算了
睇完嘢再沿路行多幾步見到左邊呢條樓梯就轉落去
呢條叫漆咸徑
沿路落，啲路好靚好易行。跑住嚟落山都得
行到呢個路口又嚟一個大u-turn
轉灣位呢到有條路，有一個都幾殘舊嘅牌寫住 private path，個感覺有啲似通去啲古老大(鬼)屋嘅路
嘩，行行下見到大舊石
呢條係S落山路段，所以經常要U-turn
今次轉灣位呢條唔係私家路了，之前行過入去好似冇乜特別。淨係見到有一個 pokestop囉，可以 skip 嘅
見到馬路了，再嚟多個 U-turn
前面就係梅道，行出去之後轉左就係梅道纜車站，查實就算唔講行到出去都一定會見到
一場嚟到梗係要影下相先啦
如果想喺纜車站影一張冇人嘅相最好預多啲時間，一來要等車經過，二來係好難可以等到有車嚟時又冇其他人喺到影相
影完相行番幾級樓梯落梅道，左邊會見到有個路口仔。過去繼續沿路山
哦～呢條叫高化利徑(行啦咁多嘢講)
行幾步又要 U-turn 了
跟住轉入呢條叫做蒲魯賢徑
沿蒲魯賢徑行一陣之後會去到一條馬路，繼續沿馬路行就會嚟到前面打撗呢條馬己仙峽道。行出去街口再轉右
再過對面馬路
跟住呢條叫做纜車徑
除咗係纜車徑，呢到仲有多個名叫做中區樹木徑
沿路再行多一陣就到咗麥當勞道站了。又係影相時間～
離開車站繼續行一陣就會見到前面打撗呢條麥當勞道，跟住轉右
對面馬路遠處會見到纜車徑個路牌
查實呢個牌都唔太起眼
沿住樓梯落
又有纜車經過，梗係要影下啦
跟住落到嚟高官堅尼地道，過對面馬路。纜車徑就喺穚躉嘅右邊
又有車經過，梗係要影啦(邊得嚟有咁多纜車，實情係行兩行又企喺到等)
再行多陣就會到終點
到逹中環纜車總站，今日行完了
回 part-1
發表迴響