買平貨

早兩日行去五金鋪 shopping，見到有特價頂針賣。只係五蚊支，真係低到爛。之不過我又唔係開廠啤膠花，買咁多頂針嚟做乜鬼呢？其實呢d一枝枝經過熱處理加硬左嘅頂針好適合做承軸，只要自己用車床做一個“杯士”就可以。睇嚟除左做魚尾路軌之外，又可以研究下用軸承來做部相機嘅對焦組件。又多一個 item 加入 todo list，估計應該都要拖一年半截。

頂針呢樣野係用係注塑機入面，當模具打開時頂針就會將工件頂出來脫模。真係唔多明點解可以係呢間五金鋪入面買到D咁野。