記得啱啱開始行山時見到網友貼圖，話香港有個地方有好似電影臥虎藏龍入面咁上下嘅竹林。可惜嗰位前輩冇話我知呢個地方叫乜名同點去，直到近幾年行山多咗先至知原來呢個地方叫做燕岩。有諗過自己帶隊搵埋影友去行，可惜求朋友一齊去行山實在有啲難度，後來就不了了之。直到最近見到有人攪攝影團去竹林就即時報名參加，終於可以去一去呢個咁特別嘅地方
Total climbing: 395 m
Total time: 03:33:51
團友喺大埔火車站集合，跟住行去打的去起點，目的地係碗窰附近嘅新屋家。除咗打的座23K小巴都得嘅，座到總站落車好方便
一班影友落車之後就跟領隊行，好快就喺視線範圍消失咗。而我就因為等梗GPS fix，所以仲企定定。。。
轉個頭就追上大隊了
行多陣到咗呢個路口，轉左可沿衛徑上大帽，今日跟隊轉右去向一個叫元墩下嘅地方進發
又溜後了
領隊啊So邊行邊介紹，話呢到附近啲竹係由村民種嘅，而種竹嘅原因係為咗保安。因為竹就好似天然屏障可以用嚟圍住家園
聽完典故又繼續行
行行下嚟到一間祠堂，團友喺對出空地小休一陣
大隊繼續起行，我又掛住影相溜後。結果跟甩咗大隊又行錯咗路，自己一條友行咗一陣發現唔對路，拿拿林返轉頭修正路線再追。好在團友行行下發現經常溜後嗰條蛋散唔見咗，於是停低等我。好快就追上大隊了，即時向一眾團友say sorry?
沿路間中會見到山友留低嘅絲帶
行咗一大餐，終於到咗竹森了
呢條路唔算熱門行山徑，加上春夏季，雜草同蜘蛛都比較多。
如果唔係跟團，我真係唔會揀落雨濕濕嘅時間去行山。但如果唔係呢啲天氣行山又唔會有呢種野睇，就係???
其實我都好有興趣影下菇，不過自己真係唔多like濕淋淋行山。所以間中跟下團去行山都不失為一件好事。(喺冇得自己揀時間嘅情況之下)
今日見到好多菇
到咗第二段竹林時起大霧，感覺好正
行完第二段竹林，一團人喺舊大石上面休息咗一段時間就掉頭原路落山了
發表迴響