路線:飛鵝山涼亭>飛鵝山道>328>飛鵝山發射站>自殺崖>發射站>328>飛鵝山道>清水灣道>彩虹站
全長:7.89 km
時間:3小時57分
間中就會去行下飛鵝山,不過每次行都係由東邊(328)上山,再經北邊(象山)走人。去南面嘅自殺崖對我呢個唔識路(又一個人行)嘅人嚟講實在係太危險,所以一直以來都只係得個諗字。今次難得有人帶團,梗係要就即刻報名參加。
從來冇諗過用打的呢個方法上飛鵝山,原來用六十幾蚊就可以由彩虹座到上山頂觀景台嘅涼亭,如果五個人夾都只係十幾蚊。的士站就喺 A1 出口巴士站後面,想又快又慳力不妨打的上到嚟涼亭先至開始行。路線方面,既然已經上到涼亭,實在冇乜理由唔經東山同象山過去。條路好清晰冇分岔,只要望住發射塔方向行就得。不過山路係有啲崎嶇,可以當係熱下身。如果覺得行呢段路有困難就最好諗清楚好唔好去試自殺崖了。查實就咁喺發射站影相都唔錯嘅
Total climbing: 491 m
Total time: 03:56:44
出發前聽領隊講話要行樓梯已經覺得好奇怪,乜唔係直接行東山象山過去咩?之不過今日係跟人行山,梗係唔可以咁多野講攪串個 party 啦。一於企埋一二邊,跟住啊So帶我地沿涼亭旁邊嘅飛鵝山路落山。好快就會知道佢帶我地去邊
一路行一路諗應該唔會咁傻行返落去328然後再上掛,唔通仲有第二條安全又係樓梯嘅路上山?不過諗下諗佢帶住咁大班人,要控制風險咁樣行又似乎好合理喎
到咗328,開始上山
似乎今日班朋友冇做足夠心理準備嚟行山,拎得太多器材。行咗一陣就已經影都冇埋,同領隊打個招呼之後就自己一個繼續上山 。我就由包尾變成先鋒。
查實今日灰矇矇冇乜好影
到山頂了
上到嚟山頂遇到另一班喺到休息嘅山友,非常熱鬧
見其他人未到,一於行前少少打個轉
落埋去前面個山頭影下相先
呢個角度望山頂最有形
由於前面啲路未行過,望落又好似好危險。以我咁怕死一定係會返轉頭,今次亦都唔例外。拿林返去直升機坪睇下團友到咗未先
鏡頭一轉,已經來回直升機坪一次再返來。今次有人帶路就夠胆落去了
領隊啊So都好辛苦,照顧完幾位前面嘅朋友又要走返轉頭照顧後面另一班團友,睇嚟佢地真係少行山,似乎有啲吃力
呢位就係啊So,由佢帶頭繼續向自殺崖進發
終於到咗自殺崖了,真係好有跳崖 feel
自殺崖風景一流,今次真係大地在我腳下
見團友好熱衷喺崖邊影相,咁我就試下换個角度行去另一邊睇睇。團友似乎錯失咗另一個靚景了
啊So仲好落力幫團友影相
日落之後天黑得好快,影多一張波波就要拿林走人返上去發射站
座喺直升機坪啲人走晒,影到個H字了
日落之後有好靚magic,個個都好興奮咁喺到影
今日拎住部史前GF-1又冇帶腳架,想話影下夜景真係嘥鬼氣。不如用部先進過佢好多嘅手提電話嚟影仲好
估唔到今日啲紅霞咁鬼靚,更估唔到自己會喺飛鵝山影日落。呢樣係我平時一個人行山絶對唔會做嘅事,今日行山路程雖然短,但好滿足
影埋紅霞已經完全天黑,要摸黑落山。重點係原路落山會再一次經過328墳區。。。。👻👻👻
落完山到飛鵝山道,跟住一直沿車路落行落山,冇耐就會經過豪宅區。繼續沿路落就可以去清水灣道
行到飛鵝山道盡頭就見到清水灣道,大部分團友都喺呢到等小巴。但我比較心急,與其等到發毛,不如跑落去仲實際,於是自己一條友沿清水灣道落山。其實由呢到落到去彩虹都唔夠 2 公里,跑一陣就到。
吖頂~做乜啲行人路整到咁,跑跑下冇路出。前面已經見到彩雲邨
又返到嚟彩虹站,今日收皮
21/10/2015 at 11:45 下午
Photoblog? 係咪$50?
22/10/2015 at 8:16 上午
係啊。不過我之前參加過所以有discount,$40就得☺
29/10/2016 at 4:25 下午
請問 張 影到 飛機坪 H 字嘅相片,是用咩野相機 或 方法影嘎?好正!謝謝!
29/10/2016 at 9:28 下午
Hi Terry, 係用 Ricoh Theta m15 加自拍神焜影嘅,影完用喺佢個尊用app到較啱心水角度再 screencap
05/12/2016 at 5:11 下午
多謝分享!