今日天氣都係麻麻地，決定留喺屋企玩下車床，攪下呢個放埋一二邊好耐嘅爛尾project。話說之前搭朋友喺淘寶買一個四瓣chuck，點知自己比錯size買大咗唔啱裝。諗住試下自己做一個adapter嚟用，但又因為工件大細問題唔成功，就咁放咗喺到幾年。
其實要做呢個adaptor困難之處係在於工件大細超出咗車床本身設計上限，簡單講，要加工一件比chuck頭本身仲要大嘅工件係好困難嘅。而要做一個adapter出來去固定比現有更加大嘅chuck頭似乎更加冇可能。chuck頭固定唔到工件又點可以車一個adapter出嚟固定個chuck呢，loop死
諗下諗下，忽然諗通了。邊個話車床車野一定要用chuck嘅先？掘番之前件半完成品出嚟度位鑽窿，將佢當成chuck頭一樣直接裝上spindle
三個螺絲窿，由於spindle同chuck之間固定就係靠呢三粒螺絲，準確度要求比較高。安裝好就準備開動了
又要再提，由於工件大過車床設計上限，穩定性同扭力都差咗，唔可以太大咬
經過一輪搏鬥之後攪掂，呢面tup tup埳放上spindle。之後外圍再鑽四個窿就可以裝個四瓣chuck上去。不過屋企拎起手冇M8平頭螺絲(正常都唔應該會有)，咁又要等得閒買咗螺絲先有得試了
發表迴響