轆下車又行下山

單車節臨近，莫講話操練，就連轆車hea踩都冇。實在有少少擔心會比人捉上收容車，今日一於約埋車友出嚟轆一轆。就算唔可以提升體能都可以訓練一下個八月十五，座下嗰張好耐都冇座過嘅車單櫈吖嘛?

行程都係來回大圍落馬，不過今日試行新路，經過石廬時見到中門大開就行咗入去影相。

上wiki搵下資料，原來呢間舊屋本來有機會成為法定古蹟，可惜又係因為土地問題(即係?) 最終未能成事。佢唔會受到保護，唔知會唔會最後都要比人拆呢？

望落間屋都已荒廢咗好耐，真係有少少鬼屋 feel

離開石廬之後就入到嚟老圍，遇啱一大班山友喺到影相

終於等到啲人影完走晒，到我影了

繼續轆，跟住車友帶路嚟到呢個叫龍山寺嘅地方。呢到好靜，感覺幾舒服。除咗賣香燭彿具嘅檔攤之外，仲有賣嘢食嘅檔口。老闆同我哋講話可方心就咁泊架單車喺到再四維參觀，咁我哋梗係唔會客氣喇

大殿

呢個鼎幾特別喎，做工好精細

呢到有?池同?池，連埋呢個啲水唔飲得嘅龍泉，全部都可以用一個頽字嚟形容

行完返到嚟小賣部，車友嘆咗杯即沖咸?七，之後就買多罐返屋企沖

鏡頭一轉，已經身在羅太豆花，吔梗餐蛋麵了

食完嘢有氣有力，開始去今日嘅重點目標大石磨。完先係打算不自量力咁試下踩上去，不過好快就回復理智落車推了?。後來喺車友威脅走人嘅情況之下交換單車嚟推，更加辛苦，輪到我想話走人了

幾經辛苦終於都上到嚟，喺路嘅盡頭有一條樓梯上去。當然係要放低架車先啦

雖然只有幾層樓高，但行上去好似好辛苦咁喎

人去樓空

有浴室有熱水爐喎

英治時期嘅設施，當然會有嚟自英國嘅電器產品啦(我估係，除非唔係)

平時都係喺山下面望上嚟，今日終於有機會可以近距離睇下呢個天線塔

到咗更亭

更亭入面嘅情況

一場上到嚟，梗要影張相先啦

下面就係羅湖懲教所，除咗喺呢到應該好難搵到其他方法可以高空拍攝到呢個地方

返落嚟泊車嘅地方，今次到車友上去參觀，我留低睇住兩架車。

諗下諗下一場嚟到，都唔差少少抬埋架車上嚟影相啦，結果我架寶貝車就出現咗喺更亭後面了。

抬架寶貝車上嚟，就係為咗影呢張相。如果係踩住佢上嚟就更加有滿足感，可惜我實在係冇呢個能耐

路線記錄