冇(轆車)入泥涌一排， 早兩日發現政虎又好做唔做，無啦啦整咗啲欄杆喺到
今日踩車目的除咗做運動之外，就係想試下部 360 相機。呢個安裝方法係有少少另類，不過影出來效果都幾得意
用 SP360 以每秒一格，由大圍火車站到泥涌嘅縮時攝影。佢部機個縮時攝影拍完出嚟就已經係一條片，唔似 gopro 同山狗拍出來係 N 咁多個 jpg。不過唔好諗住可以慳好多時間，因為部機出來條片係一個圓形，要喺電腦用佢個尊屬程式將佢變成 360 度或者其他視角，然後再 export save 一次，查實花嘅時間都唔少。不過勝在新屎坑夠新奇，應該可以玩一段時間
因為部機要平放先係正常位置，而個腳架窿又唔係喺機底，所用呢部機要經常帶埋八爪魚腳架。起個壇來影下 timelapse 先
泥涌縮時，除咗啲雲，仲可以見到啲間中飛過嘅紙鳶
鏡頭一轉就已經由泥涌出來圓洲仔，叉叉電先
轆到入大尾篤諗住睇下日落，可惜唔好天乜都睇唔到。準備走人之前轉一轉個角度試下用佢個 “front mode” 來拍片
冇蛋食，走人
查實個尊用程仲可以調較 sharpness，contrast，brightness 同 saturation，好無聊地樣樣試下效果
習慣上會轆返去大圍，但係似乎會好快會落狗屎，於是去大埔墟站座火車走人。今日收皮了
發表迴響