路線：東涌市中心>黃龍坑道>黃龍坑豎井>黃龍坑郊遊徑>鳯凰徑第2段>二東山>爛頭營>大東山>鳯凰徑第2段>伯公坳>鳳凰徑第3段(鳳凰山山頂)>昂坪奇趣徑>彌勒山郊遊徑>彌勒山發射站>彌勒山轉向站>昂坪360救援徑(昂坪棧道)>東涌古道>逸東>東涌市中心
全長：23.01 km
時間：8小時09分
今日行嘅地段之前都行過，不過全部加埋一次過行就係第一次。三高係大嶼山中部三個比較高嘅山，有大東山(869M)，鳯凰山(934M)同埋彌勒山(751M)。可惜蓮花山(766M)比起彌勒山高少少，如果唔係就可以一次過KO晒大嶼山三座最高嘅山了。想鍛鍊(或者係挑戰)一下自己體力，呢條路線應該唔錯
Total climbing: 2013 m
Total time: 08:08:47
今日早咗啲，11 點都未夠就出發
由東涌站去到黃龍坑郊道嘅路線好好簡單，睇住google map行都得
轉入黃龍坑道，沿路行一陣就會見到赤立角村
繼續沿路直行，路邊會見到去郊郊遊徑嘅指示牌
由黃龍坑道口行去郊遊徑大約有2公里距離，途經呢個黃龍坑豎井嘅路口。今日見時間多就一於入去睇下
大約行5分鐘去到小徑盡頭，原來係一個小水霸
估計圓形嗰個就係豎井，呢到又幾靚咁喎。睇地圖喺前面石澗附近有小徑入口可以上山連接郊遊徑，咁嘅環境都係不試為妙。走回頭路返去黃龍坑道繼續行程
呢有個野餐場地，再行前少少就會到郊遊徑嘅入口
出發～
今次經過見到左邊呢條小路入口比人用膠帶封咗，唔知係唔係因為有人行錯咗路入咗去呢？睇地圖附近係冇枝路嘅，真係唔知會通去邊樹
繼續上樓梯，好很辛苦行完頭500米(每次都係咁講)
行下行下，忽然見到地下有隻都幾大嘅蟻搬梗一隻蟋蟀返去屋企開餐
1K了，去櫈仔到小休一陣先
呢到有兩張櫈仔，不過曬住座喺到曬太陽其實都唔過癮。通常都係企一陣影完相就走人，對面遠處嘅山脈就係蓮花山一帶路段。睇嚟一啲唔簡單
今日天氣灰矇矇，應該都唔會影到靚相
繼續上山，冇耐又見到另一個圍封咗嘅路口，如果冇睇錯地圖，呢到就係頭先喺豎井開始嗰條小路嘅出口
完成頭1公里之後條路會易行好多，好快就見到第3枝標距柱
之後經過一段有樹蔭嘅路，回氣一流。夏天時呢到會綠油油一片好靚架
2公里，再行多一陣就到
黃龍坑郊遊徑盡頭連接鳯凰徑，呢個路口位係塞人黑點
離開郊遊徑之後轉右沿路行，好快就會見到出晒名嘅爛頭營。
假期旺季成個山頭都好多人，唔想迫人最好係行去二東山，可以靜靜地座下
今日帶咗呢件玩具，連手機用CPL都有。家陣影相仲邊到洗下下抬餐死，自己又唔係乜野大師，搵部手機影就夠
效果如何？可以話好過冇咁啦，唔可以要求太高
開餐～今日個包似乜呢？應該係似一個正常嘅提子包?
離開二東山返去鳯凰徑，向伯公坳方向行。去到呢個路口(大約係L014附近)就係上大東山嘅路口。如果旺季嚟行山應該好容易就可以搵到人問路上山頂。
今日山頂出奇地少人
掃張大東全景先
芒草開始變成金黃色
落山了，強力建議由原路落山返鳯凰徑，唔好行呢條小徑。我都知係冇乜說服力，叫人唔好行但自己又次次都行。事實上呢段路有部分位置難行又唔清晰，未行過好易會走失，遇啱潮濕天氣又會跣到PK。
離開小路返到鳯凰徑，繼續落山
見到呢個涼亭即係話已經到伯公坳了
嚟到伯公坳，可以投降座巴士走人。如果有氣有力又有時間，就可以繼續上鳯頂
續 part-2
發表迴響