今日原定行程係由元朗行山入大埔,可惜自已遲起身又漏氣,加上天氣比預期熱(總要搵啲嘢嚟賴嘅),結果只係行咗一半路程就提早走人了。今年重陽節又再敗走
路線:逢吉鄉路>雞公嶺>橋頭(粉錦公路)>北大刀屻>大刀屻>林錦公路
全長:14.48 km
時間:5小時14分
今次行雞公嶺由逢吉鄉出發,座西鐵入到元朗再轉603號小巴。
由B1出口落地面,唔好信晒個指示牌,下面除咗係輕鐵站,仲有小巴站嘅
落完扶手電梯直行就係,好容易搵到
去逢吉鄉就係座呢架603號小巴。呢架車班次都幾疏,見車站一個人都冇唔知會唔知係啱啱走咗一班車。一於試下行去總站座
小巴總站離開元朗站唔遠,但因為自已低能行錯路行咗好耐先嚟到(應該又走一班車了) 。座低等咗一陣就已經勁多人,小巴嚟到連係站嘅人都上唔晒。如果諗住貪方便喺元朗站等絕對係有機會上唔到車嘅,行去總站等會安全啲。
我唔係好知應該點形容呢個落車位置,大約係由新潭路轉入逢吉鄉路之後,見差唔多位置就同司機講路口有落。其實如果唔係之前嚟過都真係有啲難攪。
地點位置 – 22.457761, 114.056789
唔知玩開war game嘅朋友會唔會熟路呢
沿落車嘅路口行前少少,留意左手邊泥路就係上山嘅入口
其實好易認,無啦啦有條泥路,行入去之後有個電線塔
之後嘅路好明顯,唔會有得行錯
頭段會經過一兩個山墳,繼續上多一陣就開始有風景睇架喇
前面有個路牌指示電單車唔比入,當再次見到呢個牌時就即係差唔多行完了
又嚟到平衡木樓梯
風景好靚,可惜個天灰矇矇
望下遠處有個發射站,向住佢行就啱架喇
錦綉花園同南生圍一眼睇晒
轉個頭嚟到發射站了,見有好多人喺呢到座低休息
見到第一枝測量柱(374M)
望到前面嘅雞公除咗覺得遠之外,就係好似好高咁?
離遠望埋去又幾鬼靚
回望身後面啱啱行完嘅路,先前個發射站變咗矮仔山了
繼續上路,真係好L遠,好似行極都未到咁
O ?! 有山火喎,九成又係啲人掃墓掃燒嘢出事啦
繼續向前行,左中右三條路都一樣
終於到咗雞公嶺,標高572M。不過呢到唔係最高點,前面個小山峰先至係
前面就雞公嶺最高點,有585M
一直沿路行,靠認住呢舊大石
過咗大石之後行到嚟呢個分岔路就要轉左行落去
可以靠認住呢個有幾棵樹嘅山仔,應該好易見到
繼續沿路落山
又見到路牌,即係話差唔多行完了
行到嚟呢個分岔路就轉右
呢到開始啲路會比較多雜草,離遠望好似冇路行咁
其實行近少少就會見到條路
尾段啲草會越嚟越高,當時有一刻懷疑過自已行錯路嘅?(已經係第二次行),其實只要跟住地下隱約嘅路行就應該冇乜問題。最後嚟到呢個出口,見到石屎路之後就轉左。
跟住落一段樓梯
再落。。。
之後過橋,穿過大水管上去就係粉錦路
行上去就係粉錦,跟住轉右
繼續行前少少
見到前面嘅垃圾站,之後就喺路口轉左沿路行入去。路口另一邊就係77K(橋頭) 巴士站,有啲人會座巴士嚟到呢到先至開始行山嘅。
其實路口垃圾站旁邊仲有多一條樓梯,睇地圖係可以上去北大刀屻嘅。今次想試行呢到,但上咗少少之後見唔多對路就決定行番先前行過嘅路上山算了
由先前垃圾站路口沿路行
行到呢樹轉右
之後喺呢樹又轉番左
跟住沿呢條咁靚嘅村路行,美中不足係開始聽到前面傳嚟狗吠聲
再行前少少真係見到有一隻狗衝出嚟,好彩只係得一隻,又好彩佢由屋嘅小徑走出嚟有一段距離。當佢走到出嚟我已經快步(忌跑) 行過咗佢地盤門口,而佢亦冇繼續追上嚟。狗呢樣嘢都係守住自己地盤,而呢類看門口嘅家狗一盤唔會除便咬人,只要唔好進入佢地盤佢只會喺門口狂吠凶吓你。當然我唔係狗尊家,我講嘅都係自己觀察同經驗所得,請自己就實際環境自行判斷。覺得有危險就唔好夾硬去了
再行前多少少就嚟到一個好似垃圾堆嘅地方,會見到一條鋪咗鋅鐵皮嘅路(明顯係保安系統),再行過去就係上山嘅路了
安全進入山路,向北大刀屻進發
見到呢個樓梯口就上去跟住轉左
沿路行多一陣,嚟到一個十字路口就轉右。查實呢到附近啲路似係通去山墳嘅,不過行山遇到山墳都係好平常嘅事。
轉左之後就見到前面草叢嘅山路入口
就係呢到上了,之後大致上係一條路跟住係咁上就得
嘩~有紅葉睇喎
行餐屎終於上到嚟北大刀屻
影張先,下面就係吐露港,大埔同康樂園
轉右繼續向大刀屻進發
行勁耐先至到大刀屻,嚟到已經差唔多4點,唔夠時間上大帽山同返大埔了。
既然衰咗,就座低抖抖順便食個飽。叉燒飽同提子飽最大嘅分別係乜?就係佢比唔到任何想像空間我。。。(下次要買番提子飽?)
起行落山,大刀屻
落山嘅路得一條,應該冇得行錯。前面呢個奇奇怪怪嘅指示牌可以唔埋佢
白牛石方向,就算唔知都唔緊要,因為係唔會見到另一個去白牛石徑方向嘅路(可能太少人行生滿草都唔定)。
再落多一段路又見到另個一指住去白牛石徑嘅牌,咁應該同先前見嗰個指示牌去同一個地方。唔洗講都知繼續落啦
就到了,開始聽到車聲
都幾多人喺到排隊喎,好在唔係等咗好耐就有車。今日敗走完畢,遲啲再戰~
路線記錄(隨便download)
Total climbing: 1355 m
Total time: 05:14:10
發表迴響