閒日放假去行山 — 沙螺灣藝術節

今年又有藝動沙螺灣活動，主題係浮游之樂。除咗有導賞團同工作坊之外，仲有幾件大形嘅裝置藝術品。當中最搶眼就係呢條龍王喇，為咗睇佢今日仲請咗假入嚟。結果係遇到大量入嚟參加活動嘅學生仔，可能仲多人過星期六日。

初時見到以為佢同千里眼一樣係想樹藤做，行近睇原來係樹藤同膠樽嘅混合體嚟。

跟住行去千里眼嗰邊，見到另一個展今年嘅新品，同埋一班嚟參觀嘅學生。

呢個竹隧道叫做水濂洞，上面真係開有水流落嚟架喎。

今次再嚟發現千里眼隻手仲因為拎隻船拎得太耐手軟，要加個三腳架嚟頂住。隻船仲生晒鏽㖭。

睇完啲裝置藝術就行入去沙螺灣村，再沿村入面嘅小徑上山。睇埋最後一個景點大樟樹，其實行過咁多次東澳古道，今次係第一次上嚟。

入到嚟大澳都仲有藝術裝置睇，有隻大膠蝦，同埋呢條膠魚，可以當係睇動藝沙螺灣嘅延續編。海洋越嚟越膠，啲魚食埋食埋變咗膠魚，跟住啲人食魚食埋食埋就變咗膠人。