日期: 2013年6月1日 / 溫度: 30+ (酷熱天氣警告）
路線：油塘>魔鬼山>五桂山>馬油塘>井欄樹>百花林>飛鵝山>象山>飛鵝山路>沙田坳
全長：19km
時間：8小時20分 (包括午飯，影相同休息時間)
香港天氣只有夏天先至可以見到藍天白雲，為左欣賞靚風景同影靚相，一於唔理天文台個酷熱天氣警告照去行山．真正係熱到冇朋友，照舊又係一條友去行.
Total climbing: 1447 m
Total time: 08:18:03
09:54 －係油塘地鐵站出嚟行到高超道,係華人永遠墳場入口轉入去開始上山．
沿行人路邊上山可以見到油塘風景，建議唔需要停留影相．因為上山沿路有更多比呢個位好嘅地方可以影．
沿路上見到第二個涼亭就過馬路，上一條短短樓梯之後就可以轉左繼續上山．簡單講，相睇風景轉左上，想冇咁曬轉右．而我就當然係轉左上山啦
第一個分叉路口，轉左行一段短路就可以去到炮台遺遺跡，又可以望到三家材同對面嘅海防博物館．如果未去過可以先行去望下影下相，然後先返轉頭轉右繼續上魔鬼山．如果怕辛苦可以照路牌(藍田)方向直行再轉左，一樣可以去到馬油塘．
行冇耐又有分叉，不過其實轉左同轉右係一樣. (強力建議轉左)
如果行到呢到已經有想死感覺，可以先停一停影幾張相順便抖抖．亦代表飛鵝山唔適合你，可考慮以井欄樹為終點．如果相影下小西灣，呢到比山頂好．
再上長長樓梯，不妨係上到一半時回望一下後面．好難得搵到一個位可以見到成個香港島．
上到山頂可以望到成’條’郵輪碼頭
繼續行程，係呢個位置行落山
向前走
沿路落就可以去到墳場
路口轉左落樓梯之後沿路行，經過墳場邊沿路直行
呢到直去
前面轉左落樓梯
見到澳景路，過馬路再轉右直行
到左呢入口就轉上去
涼亭落樓梯之後到呢個路口直行上山
測量柱平台山上可以望到調景嶺，304m
北面可以望到五桂山上大大塊電波反射板，繼續向前行
呢個路口直行上山
話咁快就由一個山頭行到反射板下面
呢到可以望埋將軍澳
向馬油塘進發，距離目標又近左d
比較少跟足偉徑行，呢段樓梯落山旁邊唔會有石像
到呢個路口轉右
直行
離開馬油塘邨，過馬路向井欄樹進發．開始冇野睇了．
係呢個口轉入去．
沿車路行大約 1km，到左呢個入口轉入去
向前行，係最後一間屋轉左有路前行．呢個地方好似叫凹頭．
過左凹頭，呢到係深朗．沿路直去冇遠就到井欄樹
呢條橋好特別，好似係為左運水而尊心做出來
由呢到出去就係清水灣道
出左大馬路轉左向前行有行人隧道過對面，有士多可以飲飲食食．想走人亦可係呢到座小巴或者巴士落彩虹
發表迴響