自從買咗隻p4p之後少咗行山,因為當見到藍天白雲時總會想去放下飛機。今日行係平時踩單車嘅路線,由於行咗上個山上面放?﹐就當住係行山路線先。其實有興趣踩單車遊下邊境嘅都可以參加吓。
路線:上水火車站>梧桐河>得月樓>料壆>麥景陶碉堡>馬草壟>羅太豆花>羅湖懲教所>羅湖騎術學會>河上鄉(居石候公祠)>上水火車站
全長:15 km
時間:4小時48分
路線記錄
Total climbing: 335 m
Total time: 04:47:32
由上水火車站A2出口出嚟,跟住轉右沿路直行
由於原先嘅行人路已經變成地盤範圍,要行落馬路繼續直去
行到見右邊呢個路口就轉落去,經隧道過去對面
跟住沿單車徑旁邊繼續直行
行到尾會見到左手邊有行人天橋,跟住就過馬路上橋
橋下面生滿草又幾靚喎
落橋之後繼續向前行,冇耐就見到條整梗嘅單車徑
沿路都有啲風景睇下
平時踩單車唔覺,今日用對腳嚟行就覺得條路好長?
一直行到另一條橋
過橋之後就轉右。轉左可以行去豆花園,不過冇理由一開波就去食嘢嘅~ 先去第一個目標得月樓
繼續行程,冇耐就望到懲教所
跟住嚟到一個十字路口,繼續直去就得喇
路邊發現大樹菠蘿
再行到陣經過大草地,見到有幾個人喺到玩梗FPV飛機。吖,唔通佢哋用我一樣今日請假嚟放飛機?
再望遠少少就見到山頂上嘅天線塔,亦係出晒名嘅大石磨更廳所在地
繼續沿住梧桐河邊行,去到尾會見到一個水務處嘅閘。上去旁邊行人路就可以繞過去
留意前面呢段長期有水嘅路,大部分時間係可以行。如果遇啱落完雨係可能會浸晒,諗住踩車轆過去就可能會有濕腳危險。可以掉頭返去前一個十字路口再轉入去羅太豆花條路繼續
今日咁好天冇水浸,當然係繼續行啦。嚟到呢樹就見到有禁區警告牌,不過唔洗擔心,禁區係指欄杆外面嘅梧桐河
對面就係羅湖站
到咗得月樓警崗了,如果未嚟過嘅一定會喺呢到影下相
有禁區紙嘅村民可以自由喺到條橋過去,但遊客行過去就犯法即拉架喇~啊sir講嘅
影完相,沿警崗旁邊呢條路繼續行程
行一陣就會連接前面呢條馬路,上去繼續沿馬路行
路邊一條小路有個牌寫住唔可以上山,我估應該係指大石磨了
繼續沿馬路行,嚟到前面呢個路口就轉左
左邊,去料壆方向
沿路直去
行到見到球場就轉左
繼續行到過咗料壆亭,跟住轉左穿出去繼續行
呢條叫料壆路
轉灣之後係一段幾斜嘅路,要小心可能會有車轉出嚟(不過大部分時間都冇車嘅)
上完斜路行多一陣就會見到右手邊呢路口,轉上去就係麥景陶碉堡
發現死蛇
再行一段超斜嘅路之後去到馬路盡頭,有一條樓梯上山
沿呢條樓梯上去
之後就可以見到呢個麥景陶碉堡了
碉堡入口旁邊有一條好明顯嘅路行出去。
再沿路行落去再面嘅小山丘
到逹攝影熱點,招牌影相位
呢到有一枝好矮嘅測量柱
一場上到嚟,影張selfie先~ 跟住就係行程重點放飛機喇???
唔知做乜事附近有好強干擾,飛出去冇耐就disconnect。一次係咁兩次又係咁,嚇到死之下提早收嘢走人(有少少運吉嘅感覺)。原路行返落去料壆路,可以轉左走回頭路出去,又或者轉右落馬草壟行個大圏先至走人
我當然係會揀轉右落馬草壟,沿路行一陣嚟呢個路口,繼續直去
有路牌指示方向
跟住大致上只得一條路,只要跟住行就得。行行下就會經過呢個叫信義新村嘅地方。呢到係51K小巴站嚟嘅。。。。
繼續沿村路行,行到見到前面呢間鐵皮屋就靠右,行到出去大路就再轉右。如果轉左係可以去到豬仔農莊,不過最好係留番踩單車時先至去喇。
呢間鐵皮屋幾特別
轉右出到嚟大路之後一直沿路行就得了,呢段係馬路嚟,間中會有車經過
再行一大段路之後唔到呢個灣位轉右,不過就算唔講都估到唔似係直去架喇
啲草好靚喎,又影長相先
行咗一個大圏,又返到嚟呢個路口了。繼續直去跟原路走
行到呢個路口,可以靠左繼續跟原路落去得月樓,又或者靠左直去。為咗唔想行太多回頭路,所以行左邊條路
再行多一陣嚟到呢個路口,靠右落去繼續沿路行。左邊條路係落得月樓嘅
路邊呢條樓梯好就係上大石磨嘅入口,有機會嘅話會試下
行行下經過呢個叫頤園嘅地方
再行多陣就嚟到羅太豆花
嘩~又有死蛇
繼續沿路行出到嚟呢個路口,跟住轉右。轉左都得,不過又係走回頭路囉
繼續行繼續行
行下行下就會經過羅湖懲教所
忽然喺路邊發現一條p4p嘅屍骸?????﹐唔知係咪因為有人想強行進入禁飛區所以墮機呢?
羅湖懲教所正門
離開懲教所繼續沿河上鄉路行
冇耐就會經過騎術會
見到另一邊路旁有個入口,我就行咗落去。實情係應該繼續向前行嘅,不過我太耐冇嚟認錯咗呢個路口。
點知錯有錯著,喺呢邊草地比我見到啲馬
睇完馬又知道自己行錯咗路,跟住就返上嚟河上鄉路繼續行。今次呢個路口啱了,轉左落去
呢條叫做河上鄉排峰路
沿住呢條排峰路行入村
好快就嚟到另一邊,見到一座古老建築物
呢座叫居石候公祠,係法定古蹟嚟架。公祠對出就係小巴總站,可以座車出上水
51K似乎係一條好奇怪嘅小巴路線,有多個兩個總站,除咗公祠呢到之外,先前經過嘅信義新村亦係總站,開出嘅班次同時間都唔同嘅
行出少少就嚟到豆花皇,係時候食少少嘢了
今日豐富嘅午餐?
食完嘢行出嚟轉左,跟住就沿單徑旁邊行人路行
又返到嚟呢個路口,轉右繼續沿先前行入嚟時嘅路返去上水站
返到嚟上水站了,今日行完收皮
發表迴響