鰂魚行山落灣仔

今日去港島試吓啲未行過嘅路，由鰂魚涌出發行落灣仔。

路線：鰂魚涌站>鰂魚涌樹木研習徑(戰時爐灶)>大風坳>畢拿山>懸空棧道>渣甸南引水道>大潭水塘道(陽日山莊)>黃泥涌峽徑第10站>中峽配水庫>布力徑>灣仔峽>灣仔自然徑>寶雲道健身徑>姻緣石>寶雲健身徑>灣仔峽道>堅尼地道>北帝古廟>藍屋
全長：15.6 km
時間：4小時27分
日期：2018-12-15

路線概覽

由鰂魚涌地鐵站A出口沿英皇道行，好快就會見到呢個指示牌。跟住由街市旁邊條斜路一直行就得了。

次次都淨係沿馬路上山，今次試吓轉落去樹木研習徑睇睇。

呢到有啲二戰時期嘅軍事遺跡。

最特別梗係呢啲為阬戰而起嘅爐灶啦，不過未有機會用啲死日本仔就已經攻陷咗香港。

轉個頭又上到嚟大風坳。

今次唔上山頂睇波波，直接經天梯上畢拿山。

喺山頂影吓個大潭水塘。

繼續沿港島徑行，嚟到 H056 / 衛徑 W013 標距柱就轉左入引水道。

轉入嚟之後啲人少咗好多，係一個人都冇。

行行吓條路冇咗，要行埋落水渠。

呢一小段引水道應該就係懸空棧道了，不過喺上面行其實一啲特別都冇。唔講都唔知下面原來係涼浸浸。

行多陣就又上番水了。

行行吓引水道向上轉，要上山喎。

遇到一隊上梗去嘅山友

呢段路都幾斜，向上行就冇乜嘢，如果向下就要小心。有啲危險性嘅。

向上行一陣嚟到一舊大石平台，沿最明顯嘅小徑行係上去渣甸山山頂嘅，其實仲有另一個唔起眼嘅路口，好容易會過咗都唔知。

行前少少就見到另一邊嘅小徑入口。

跟住都有啲上上落落。

又有啲水渠行吓咁。

最後落番條引水道。

係渣甸山引水道，仲有個路不通行牌添。?

前面好似有啲嘢睇咁喎。

原來呢到係黃泥涌峽徑第三段，係串連二戰時期阬日戰爭防線嘅軍事遺跡路線。遲啲睇吓有冇機會試吓跟住嚟行晒佢先。

到出口了，出去就係陽明山莊。跟住轉右沿大潭水塘道落黃泥涌水塘。

之前可以喺黃泥涌水塘小食亭買水飲，家陣呢個補給站只係淨低一部汽水機?。

繼續沿水塘道落，跟住要去黃泥涌峽徑第10站。目標係試吓由嗰到嘅小徑行去布力徑。

轉入黃泥涌峽道

到了，做乜好似廢墟咁嘅。

呢到係黃泥涌峽徑嘅終點站，亦係小徑嘅入口。同預期嘅郊遊徑feel有少少出入，有少少伏嘅感覺?

呢段路由入口開始就已經係比塌樹阻擋，初段有好多斜坡工程，又係多得嗰粒山竹牛肉攪到成段路都爛晒。

行行吓冇路要行水渠，不過仲好，水渠相對地好行一啲。

差不多行完全段小徑，好多地方嘅情況都係咁，有勁多塌樹。

幾特別喎，1969年建做圓轆轆嘅配水庫。

喺豪宅後面經過。

係邊個做嘅指示呢，唔該晒~

當年政府建設咗好似水務設施，應該有唔少到今時今日都仲運作梗。仲幾有特色添。

呢到係中峽配水庫，個牌話嘅?

跟住行埋呢段樓梯就可以入返大路了。

原來都好鬼長架喎，行到有啲索氣~

好了，上到嚟布力徑。跟住就轉右落灣仔。

終於有啲正常少少嘅路行吓?

依，呢個景都唔錯喎。

行到布力徑盡頭係灣仔峽。

跟住就過馬路。

路口有指示牌，沿呢條灣仔峽道落去。

吖，未行過呢條荷蘭徑，個入口指示牌夠晒特別。

繼續沿灣仔峽道行落嚟，到咗呢個十字路口。跟住轉左行

仲要再行多一小段樓梯上去。

Yeah~ 終於嚟到姻緣石，等我作個法先~?

係時候走人落山，仲以為呢條斜路係一般無名山徑，原來叫做灣仔峽道。

最後落到堅尼地道

再落埋樓梯就到北帝廟。

好，嚟到藍屋就當呢到係今日行程終點啦。跟住去太源街睇吓玩具先?

路線記錄