360 都有櫻花睇喎

今日又去360行咗轉，除咗見到 translantau 100 班勁人之外，仲竟然見到?櫻花?。雖然冇得同日本嘅比，但有得睇總比冇好?。喺香港行山賞櫻不是夢~

櫻花樹位置就喺救援徑出口旁邊，如果唔係行山或者煲煙，遊客一般都唔會行出嚟呢到。啲樹整齊咁沿住條水溝排，我估如果滿開應該都會幾靚。

其中一棵樹掛咗個牌，原來呢啲叫廣州櫻。呢個品種唔會開到好似日本嗰啲咁密集，不過都係嗰句，有好過冇啦。

再搵吓資料，原來啲櫻花樹係舊年由土木工程拓展署嘅美化工程引入嚟，仲一共有成 400 棵咁多添。除咗我見到呢幾棵(小頽) 廣州櫻之外，仲有喺日本成日見嘅河津櫻同染井吉野櫻?。即刻好鬼期待啲花盛開嘅畫面，下星期要再嚟行吓先得。

櫻花分佈位置地圖