今次又係一部有問題嘅相機, 買佢主要係覺得個樣夠特別. Bell & Howell 呢個品牌主要都係做 projector 同 8mm 攝錄機, 呢部 Electric Eye 127 比較少有而且設計特別. 第一眼望到就覺得好奇怪點解鏡頭會被一塊金屬片阻擋住, 上面仲有一條條紅色線同齒輪…. 點影相呀??
睇來睇去都唔似係 work 嘅情況下, 好自然我又拆開左佢來睇睇. 打開後發現原來相中銀色齒輪飛左出來, 本來同佢一齊連動的兩塊金屬片都失去左作用. 呢兩塊野係乜? 原來佢地係用來做光圏, 兩塊片上面都有一條由粗至幼的坑, 互相排成 90 度. 經過齒輪配合轉動就形成大致上對等的光圈. 好聰明啊~~
Electric Eye 之所以可以自動曝光就係靠呢個光圈, 銀色齒輪連接線圈, view finder 前面係一塊感光電池板, 受光產生電流會轉動齒輪連動光圏片, 經調較就可以按光量準確控制光圈
睇完正面睇背面, 線圈電極接點都係背面. 藍色線係從新焊接上去, 唔知係唔係因為太舊所以之前甩左出來.
開始還原了….
呢個就係感光電池, 正正係個 view finder 前面
機頂 film speed 個制查實就係轉呢塊方形板出來, 佢擋住入光咁所產生電量就會減少, 咁就要比較強光先至可以產生同樣電流. 簡單講, 用慢速菲菻就要 set 呢個制.
攪掂. 靚仔晒, 一部 work 嘅 Electric Eye (^.^)v
發表迴響