早前拍埋拍埋啲片一直都冇時間處理，今晚開出嚟睇發現原來自己拍出嚟啲嘢炒晒粉都唔知。記得我當時睇個電話圖傳唔覺有問題，一來可能係個畫面細，二來喺陽光之下就算較到最光都好難睇得清楚，用埋原廠遮光罩都唔可以完全解決問題。之不過要方便就係要犧牲一啲嘢架喇，拎到出街用總好過影得靚但因為重而留喺屋企。

我未用過 Phantom，唔知其他機會唔會有類以情況。主要問題有兩個，就係有強則光時佢會 fog 鏡，我知所有鏡頭都有機會 fog。但相機我可以加 hood，呢部暫時好似未有。而佢個鏡頭前面塊保護玻璃喺某啲角度仲會古古怪怪，不過呢個問題係有希望遲啲以加配件嚟解決。第二個問題就大好多，螺旋槳高速轉動時個影同鏡頭快門產生暗黑嘅橫紋。由於影響角度大，出現問題嘅機會比逆光 fog 鏡較多。有時故意 fog 都可以當係一種效果，但橫紋就好難接受了。雖然呢啲情況唔會經常遇到，但如果講求拍攝質素又就真係要諗諗，可能等下一代先至買。再講，查實佢個對焦(或者係要人去 trigger 對焦)真係好無謂，雖然 firmware upgrade 之後佢自己會對，但有時咗上天唔諗住對清，錄完返屋企睇片先發現 out foucs 會好氣頂。

youtube 片段除咗剪輯就冇經過其他處埋，我亦唔會咁白痴加咗個膠保護罩上去又話影出嚟有問題嘅。