東涌鳯凰打個圏

路線：東涌>逸東>東澳古道>３６０救援徑(昂坪棧道)>鳯凰徑第４段>昂坪>鳯凰徑第３段>伯公坳>地塘仔郊遊徑>石門甲>東涌炮台>東涌
全長：20.8 km
時間：5小時43分

上星期行完二東，今個星期就一於行下鳯凰啦。今日天氣涼少少，冇上星期行得咁辛苦

入到東涌已經差唔多一點，最好係開完餐先開始行。唔使吔啲壓到扁晒嘅??

出發！先望下今日嘅目標鳯頂

呢段路行過N次，講到口都臭埋唔再講。如果唔太識路去救援徑入口可以參考一下呢個 post

今日撞啱有單車比賽，梗係要八掛下啦。班友快到好似陣風咁???

繼續行去到康樂營對出濕地，今日水漲冇得落去

呢段古道攪梗修葺，條路靚咗喎

到咗救援徑入口了，本來喺附近一齊行啲人全部都沿古道直去(入大澳)，得我一個上樓梯?

轉個頭就上到嚟觀景台

喺呢個位望東涌都幾靚

繼續上，冇耐就到咗3號架。喺地面望上山最搶眼就係佢

鏡頭一轉又到咗彌勒山轉向站，今日欖車停開呢到變得好靜。連平時喺到打躉啲狗狗都唔見晒

到昂坪了，今日用咗三粒鐘先行到嚟

冇欖車嘅昂坪市集比起平時冷清好多

唔知幾時新開咗間7仔，有1.5L水賣，正

由市集向大彿方向去心經簡林

過咗大彿繼續沿路行，見到呢個路口轉入去

再行多一段短短嘅奇趣徑就到心經簡林，同時亦係鳯徑上山嘅入口

個牌話要行兩個半鐘。由呢邊上鳯頂比起伯公坳辛苦

終於上到嚟斬柴坳，過咗呢到之後啲路冇咁斜會舒服啲

下面係水口灣同狗牙嶺

到頂了

山上遇到幾個年青人，佢地為朋友(秘密地)準備咗一個蛋榚?，喺鳯頂唱生日歌。我估主角應該會好開心

八掛完人地嘅事又開始影下相，喺鳯頂望去對面嘅大東山變咗矮仔

灰矇矇當中見到東涌市區同半個機場

上次上嚟見到嗰個奇怪裝置原來係用嚟測雨量嘅

hea完就要起行返東涌，落山嘅路都幾長嘅。行咗 50 分鐘終於落到嚟

落到伯公坳(東涌道)轉左

行多兩步就會見到去地塘仔嘅指示牌

繼續沿路落去，見到呢個閘就穿過去

繼續沿車路落，之後就會見到左邊嘅地塘仔郊遊徑入口

起行，個牌話距離石門甲有3.5km，要行一個鐘頭十五分鐘。咁計天黑前一定可以落完山

呢段地塘仔郊遊徑有上有落，唔係平路一條。如果已經行到好攰就要有心理準備

見到呢個路口轉右去東涌，轉左就上昂坪。由呢到開始全程落斜

好，呢個牌話經石門甲去市中心有5km，要行粒半鐘

跟住都係一條直路，落到尾見到羅漢寺就即係到咗石門甲了

繼續沿車路出去

見到村公所繼續直行

喺村口大皇爺石左邊有個門口，穿過去沿路行

跟住沿村路行，盡頭係一個爛地車場

繼續向前行，喺前面過橋

之後又去到另一個車場，轉左

車場出口就係東涌道，過馬路轉左

繼續沿行人路行會經過東涌炮台，入去行個圏

又返到來，今日打圏之旅完成