之前每次都係座巴士由青馬收費廣場開始行，今日想試吓由欣澳出發，睇吓搵唔搵到路由呢邊上山。結果路就搵唔到，但係意外搵到間可能係荒廢咗好耐嘅小學。算係意外收穫，第時有機會可能再嚟多一用多啲時間喺附近行吓。

路線：欣澳站>翔東路>竹篙灣村文娛康樂室>大山>犁壁山>大輋峒>榴花峒>老虎頭郊遊徑>亞婆塱>鴨腳瀝>蓮花山>雙東坳(鳯2)>南山>梅窩(鳯1)
全長：23km
時間：8小時16分

座狗鐵嚟到人山人海嘅欣澳站，見到好多人轉車入去迪士尼。

向公厠方向行。

過咗公厠之後繼續向前行，留意右邊嘅路口轉入去。

繼續行到尾會見到行人隧道，落去就可以穿去路軌另一邊。

好耐冇行呢段路，記得上次行嘅時候旁邊仲係單車徑嚟，家陣己經封晒。

啲燈唔知係壞晒，定係因為日頭慳電唔開呢？感覺有啲暗。

原來封咗單車徑係為咗安裝水管，其實呢段路應該都冇乜人會踏單車入嚟，封咗都冇乜所謂啦。

隧道出嚟之後就上樓梯。

上完樓梯之後轉右，行埋上去就係翔東路了。

呢段翔東冇行人路，比較安全做嘅法係入去防撞欄入面行。

之後繼續上去。

一出到嚟路口就見到一隊車友經過?‍♂️?‍♂️??‍♀️??‍♀️，跟手就喺路口過埋對面馬路。

過嚟之後條路就濶落好多。

埋邊仲有行人路，行呢邊就最安全了。

行多陣就見到斜坡維修嘅’入口’，由呢到上去可以經維修道接小徑上大陰頂。不過今日諗住行另一邊，所以要繼續沿行人路上去。

今日似乎好多人嚟踩翔東喎，不停有車友經過。

有班工人喺到修剪梗路邊啲草喎。

除咗之前個維修道入口，其實行前多一段仲有多一個入口可以上去嘅。

繼續沿行人路行上去，一直行到見到盡頭欄杆，跟住轉左邊就會見到有一條小徑可以行。

沿小徑轉個灣就會見到右邊有樓梯可以落去，其實正前方本來係有小徑連接上去斜坡維修道嘅，不過唔知點解啲草生得咁勁完全遮蓋晒條路。

跟住落樓梯。

留意落樓梯之後要靠右直去。

穿過橋底之後沿路上。

過埋閘口繼續上樓梯。

繼續靠左上去。

行到見到電機站旁邊嘅鐵閘行入去就係上大山山徑嘅入口。

今日想試吓搵其他路由欣澳上嚟，所以呢個入口先至係今日搵路嘅起點。試吓繼續直行睇下先。

好快就有分岔路，先試吓靠左上去睇睇。

前面又有另一個入口。

唔知係乜嘢地方，入去睇睇先。

見到呢個形狀嘅門架，都幾肯定係啲舊建築嚟。

噢～入到嚟原來係間廢屋，睇吓屋頂比人刷咗嘅字跡，隱約見到官立學校4個字。到底頭嗰兩個係乜嘢字就估唔到了。

可以好肯定小學己經廢棄多年，後來變咗用途做文娛康樂室，之後都廢棄埋。

入面間隔有啲似分流小學，應該當年所有小學啲設計都係差唔多。

課室外面有張石波枱，東涌炮台入面嗰間小學都有一張差唔多樣嘅。

呢到會唔會係教員室嚟呢？

課室另一邊有間屋仔，可能係以前嘅宿舍都唔定。

呢個好明顯係屎坑嚟?。

痾完冇水洗手點算?？

過咗厠所之後仲有一條似係多人行嘅小徑但唔知通去邊，見方向好似會越行越遠，決定返轉頭探埋之前未行過啲石屎小徑先。後來返屋企再睇地圖先知原來呢條正正就係我想搵嘅路。唯有等下次有機會再嚟試了。

離開小學返出嚟石屎路，繼續向前行睇睇。

再行見有分岔路，不過似乎係一般斜坡維修道設計轉個頭就會會合一齊。

依？行到盡頭返落去馬路邊。

落到嚟係高速公路嘅路邊。唔多對路。

喺防撞欄入面望吓望吓，見到左邊草叢好似有路可以行，只係啲草密雜一啲一於試吓先啦。點知一行入去發現唔對路，應該係發雞肓撞到網。。。再望吓自己心口。。。?鬼咁大隻?爬梗，即時後彈狂fing件衫，好彩佢都即時爬走落啲草上面。應該我同佢都嚇咗餐飽了，今日探路到止為止，走頭。

行返轉頭去原先上大山嘅入口，繼續今日行程。

跟住呢啲路正常好多了。

》》》繼續 part2 行程 》》》